काठमाडौं – नव नियुक्त प्रधानमन्त्री केपी शर्मा ओलीले पद तथा गोपनीयताको सपथ सपथ लिएका छन । सोमबार बिहान शितल निवासमा भएको बिशेष कार्यक्रममा राष्ट्रपति रामचन्द्र पौडेलले पद तथा गोपनियताको सपथ दिलाएका हुन ।

यसै गरि मन्त्रीपरिषदका उप–प्रधानमन्त्री तथा मन्त्रीहरुले पनि सपथ लिएका छन । प्रधानमन्त्री ओलीले एकै पटक आफ्नो मन्त्रीपरिषद बिस्तार गरेका हुन । सपथ ग्रहण कार्यक्रमपश्चात मन्त्रीहरुले सिंहदरबारमा गएर पदभार ग्रहण गर्ने कार्यक्रम रहेको छ ।

ओली संविधानको धारा ७६(२) अनुसार प्रधानमन्त्री नियुक्त भएका हुन् । २८ असारमा प्रतिनिधिसभामा विश्वासको मत नपाएपछि माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्रीबाट पदमुक्त भएका थिए ।

शुक्रबार राष्ट्रपति पौडेलले दुई दिनको समय दिएर प्रधानमन्त्रीमा दाबी पेश गर्न आह्वान गरेका थिए भने एमाले अध्यक्ष ओलीले नेपाली कांग्रेससहितका दलको सांसदहरुको समर्थन आफूलाई रहेको भन्दै दाबी पेस गरेका थिए भने आईतबार ओली प्रधानमन्त्रीमा नियुक्त भएका थिए ।