डडेल्धुरा, भाद्र १ – सुदूरपश्चिम प्रदेशको डडेल्धुरा जिल्लामा स्थापना हुन लागेको डडेल्धुरा मेडिकल कलेजका लागि सुदरश्चिम विश्व्विद्यालय स्वास्थ्य विज्ञान संकाय डिनको कार्यालयले प्राध्यापकहरुको लागि दरखास्त आब्हान गरेको छ । डिनको कार्यालयले सह–प्राध्यापक र उप–प्राध्यापकहरु गरि जम्मा १७ जनाको लागि करारमा दरखास्त आब्हान गरेको हो । डिनको कार्यालयले २०८० भाद्र १५ गते सम्म अनलाईन मार्फत दरखास्त आब्हानका लागि सुचना प्रकाशित गरेको हो । डडेल्धुरा मेडिकल कलेजले यस बर्ष देखि ५ वटा विषयमा स्नातक तहको पढाई सुरु गर्ने जनाएको छ ।

शेर बहादुर देउवा प्रधानमन्त्री भएको बेला २०७८ माघ १० गतेको मन्त्रीपरिषद बैठकले सुदूपश्चिम विश्वविद्यालय अन्तर्गत रहने गरि डडेल्धुरा मेडिकल कलेजको स्थापना गर्ने निर्णय भएपछि अहिले अध्यापनको कार्य अघाडी वढाइएको हो । मेडिकल कलेज सञ्चालनका लागि सुदूरपश्चिम विश्वविद्यालयको नाममा डडेल्धुराको अमरगढी नगरपालिका ५ तुफानडाँडास्थित ८४ रोपनी जग्गा प्राप्त भइसकेको छ भने डडेल्धुरा अस्पतालको नाममा दुई सय ३४ रोपनी जग्गा रहेको छ । यसैगरि डिन कार्यालय प्रशासनिक भवन र शिक्षालय भवन निर्माण प्रक्रिया अघाडी बढाउने जनाएको छ ।

डडेल्धुरा मेडिकल कलेज सुदूरपश्चिम प्रदेश क्षेत्रको लागि स्वास्थ्य क्षेत्रमा कासेढुङ्गा सावित हुने विश्वास गरिएको छ । विश्वविद्यालय स्थापना संगै विद्यार्थीलाई चिकित्सा शिक्षामा पहुँच, प्रदेशभरी विशेषज्ञ उपचार सेवामा पहुँच पुग्ने छ भने विषेषगरी सुदूरपश्चिमका पहाडी जिल्लाका नागरिकले छिटोछरितो स्वास्थ्य सेवा पाउने छन् ।
पहाडी क्षेत्र, राम्रो हावापानि, सजह यातायात पहुँचका कारण मेडिकल कलेज स्थापना संगै यो कलेज देशभरीकै विद्यार्थीको लागि उत्कृष्ट गन्तब्य बन्न सक्दछ ।